Prishtinë, 7 tetor 2008 Sot në selinë e Kryesisë së Bashkësisë Islame të Kosovës, Myfti Mr. Naim Tërnava ka pritur drejtoreshën e “Fshatit Ndërkombëtar të Fëmijëve” në Prishtinë, znj. Remzije Krasniqi e cila shoqërohej nga 44 fëmijë parashkollor dhe edukatoret e tyre.
Myftiu Tërnava u njoftua nga drejtoresha e fshatit me punën që bëhen në edukimin e fëmijëve parashkollor. Gjithashtu drejtoresha e njoftoi Myftiun edhe me kushte që kanë fëmijët në kuadër të kopshtit. |
|
29.09.2008
 Presidenti Sejdiu uroi qytetarët e besimit islam si dhe Kryetarin e Bashkësisë Islame të Kosovës, mr. Naim Tërnava
Me rastin e Bajramit të Madh, Presidenti Sejdiu u ka dërguar mesazhe urimi të gjithë qytetarëve dhe besimtarëve të besimit islam si dhe Kryetarit të Bashkësisë Islame të Kosovës, mr. Naim Tërnava Në tekstin e këtyre mesazheve thuhet: |
|
Prishtinë, 29 shtator 2008
I nderuari z. Tërrnava,
Kam nderin dhe kënaqësinë që në emër të Qeverisë së Republikës së Kosovës dhe në emrin tim t’Ju uroj festën e Fitër Bajramit, Ju dhe gjithë qytetarëve të besimit islam të Kosovës.
Kjo festë kremtohet për herë të parë në Kosovën e lirë, shtet të pavarur, sovran dhe demokratik. Kjo është e arritura jonë e madhe, për të cilën janë përpjekur gjenerata të tëra.
Qytetarët e Kosovës gjithmonë janë shquar për vlera humane, vëllazërore dhe tolerancë ndërfetare, duke u dëshmuar si shoqëri që respekton të arriturat më të mira të civilizimit. |
|
E Hënë, 29.09.2008 13:32http://www.kuvendikosoves.org/
 Kryetari i Kuvendit të Republikës së Kosovës, Jakup Krasniqi, u ka uruar sot festën e Fiter Bajramit, kryetarit të Bashkësisë Islame të Kosovës, myftiut Naim Tërnava dhe gjithë besimtarëve myslimanë në Kosovë. Në telegram kryeparlamentari Krasniqi midis tjerash shkruan: “ Kjo kremte vjen pas muajt të madhërishëm të Ramazanit dhe simbolizon sakrificën, përkushtimin e besimtarëve dhe solidaritetin.
Kremtimi i Fiter Bajramit këtë vit merr rëndësi të veçantë, pasi për herë të parë e gëzojmë në Kosovën e Pavarur.”
Telegramin e tij urues, zoti Krasniqi e përmbyll me urimin që në Kosovë të mbretërojë paqja, respekti, toleranca dhe mirëkuptimi. |
|
Prishtinë, 29 shtator 2008
Të nderuar vëllezër e motra besimtarë!
Nesër është dita e parë e Fitër-Bajramit,ndaj më lejoni që në emër të Bashkësisë Islame të Republikës së Kosovës, në emër të të gjitha institucioneve të saja dhe në emrin tim personal juve vëllezër besimtar tua urojë festen e Fitër-Bajramit i cili vjen si rezultat i agjërimit të muajit të bekuar të Ramazanit.
Festë kjo që ngërthen ne vete rikujtimin dhe përkushtimin ndaj Krijuesit të gjithësisë, të cilin besimtarët me devocionin më të madh e shprehen gjatë muajit të madhëruar të Ramazanit.
Ku na bashkuan ibadetet e namazet, iftari e syfyri, zeqati e sadakaja si dhe solidariteti, bamirësia, mirëkuptimi e përkujdesja ndaj nevojtarëve, të jemi më afër Zotit, më tolerant, më dorëlirë, më të afërt me farefisin, familjen e shoqërinë. Andaj, sot, krenar e ballëhapur e festojmë Fitër-Bajramin. |
|
Prishtinë, 28 shtator 2008 Njoftim për media(Ftesë) Njoftojmë mjetet e informimit se nesër më 29 shtator 2008, në ora 11:00 në selinë e Kryesisë së Bashkësisë Islame në Prishtinë, Myftiu i Kosovës, Mr. Naim Tërnava u drejtohet opinionit me mesazh urimi me rastin e festës së Fitër - Bajramit. Mjetet e informimit të interesuara për të përcjell mesazhin e Myftiut, duhet që të jenë 15 minuta më herët në selinë e Kryesisë së BI. Paraprakisht ju falënderojmë për bashkëpunim! Ju mirëpresim! |
|
Prishtinë, 27 shtator 2008 Myftiu i Kosovës mr. Naim Tërnava ka pritur sot në selinë e Kryesisë së Bashkësisë Islame të Kosovës në Prishtinë një delegacion të peshkopëve nga 11 vende të Evropës të kryesuar nga peshkopin gjerman Leo Shvarc. Peshkopi Shavrc në emër të delegacionit ka falënderuar Myftiun Tërnava për pritjen dhe e ka njohur atë me qëllimin e vizitës në Kosovë. |
|
|
<< Fillim < E mėrparshme 1 2 3 4 5 6 7 8 9 10 Tjetra > Fund >>
|
