Ballina Lajme Shoqata humanitare bamirëse Bereqeti ndihmoi edhe 200 familje skamnore në Prishtinë

Shoqata humanitare bamirëse Bereqeti ndihmoi edhe 200 familje skamnore në Prishtinë

Prishtinë, 11 qershor 2018

Shoqata humanitare bamirëse Bereqeti – dega në Prishtinë, që është organ i Kryesisë së Bashkësisë Islame të Kosovës, shpërndau 150 pako ushqimore për familjet skamnore në Prishtinë. Kjo ndihmë vjen falë ndjenjës së solidaritetit me skamnorët që ndihet më theksuar në muajin e bekuar të Ramazanit.

Pakot ushqimore që u shpërndanë u dhuruan nga Selim Mustafa. Fitim Flugaj, drejtor i shoqatës humanitare bamirëse Bereqeti falënderoi me ketë rast donatorin duke lutur Zotin që t’ia shpërblejë atij dhe të gjithë donatorëve të tjerë që kanë besimin e plotë në shoqatën Bereqeti dhe që t’ua shtojë begatitë. Drejtori Flugaj shprehu bindjen se Bereqeti tashmë është bërë derë e hapur dhe e shpresës për të gjithë ata që ndiejnë nevojë për ushqim, veshmbathje e gjëra të tjera ushqimore.

Po në këtë vazhdë, i njëjti donator kishte dhuruar pako ushqimore për 50 familje nevojtare në banesat sociale në Hajvali dhe të cilat pako janë shpërndarë nga shoqata humanitare bamirëse Bereqeti.

Shfaq më shumë artikuj të ngjashëm
Shfaq më shumë në Lajme

Shfleto

Pritje përurimi me rastin e Fitër-Bajramit

Me rastin e Fitër – Bajramit, Myftiu i Kosovës, Naim ef. Tërnava, si tradicionalisht, orga…