Ballina Lajme Myftiu Tërnava priti një delegacion nga Drejtoria e Përgjithshme e Vakëfeve të Turqisë

Myftiu Tërnava priti një delegacion nga Drejtoria e Përgjithshme e Vakëfeve të Turqisë

Prishtinë, 19 shtator 2019

Kryetari i Bashkësisë Islame të Kosovës, Myftiu Naim ef.Tërnava sot priti një delegacion nga Drejtoria e Përgjithshme e Vakëfeve të Turqisë të prirë nga zv/drejtori gjeneral i kësaj drejtorie z.Rifat Turker.

Me këtë rast, Myftiu Tërnava falënderoi Drejtorinë e Përgjithshme të Vakëfeve të Turqisë për ndihmën që kanë dhënë për ngritjen e infrastrukturës së BIRK-ut, sidomos për restaurimin e monumenteve të trashëgimisë kulturo-historike dhe për ndihmat sociale. Ai po ashtu çmoi kontributin dhe ndihmën e madhe që ka dhënën Republika e Turqisë për popullin e Kosovës, si dhe për ndihmën e ofruar për integrimin e Kosovës në mekanizmat rajonalë dhe ata ndërkombëtarë.

Nga ana e tij, përfaqësuesi i Drejtorisë së Përgjithshme të Vakëfeve të Turqisë falënderoi Myftiun për mikpritje dhe u shpreh se janë të lumtur që po ndihmojnë për zhvillimin infrastrukturor të monumenteve të trashëgimisë kulturore.

Ai çmoi kontributin dhe koordinimin shumë të mirë me Myftiun Tërnava dhe premtoi se kjo ndihmë dhe ky bashkëpunim do të vazhdojnë edhe në të ardhmen në të mirë të popullit të Kosovës.

Shfaq më shumë në Lajme

Shfleto

Myftiu Tërnava priti në takim z. Mahmud Najadin

17 tetor 2019 Kryetari i Bashkësisë Islame të Kosovës, Myftiu Naim Tërnava, priti  në taki…