Prishtinë, 26 maj 2019

Kryetari i Bashkësisë Islame të Kosovës, Myftiu Naim ef. Tërnava, priti sot në takim nuncin e ri apostolik për Kosovë, Monsinjor Jean Marie, i cili shoqërohej nga ipeshkvi i Kosovës Dodë Gjergji, me të cilët biseduan për një varg temash.

Fillimisht, Myftiu Tërnava iu dëshiroi mirëseardhje mysafirëve, e më pas i falënderoi ata për vizitën, duke kërkuar nga ta që të shtojnë kontributin e tyre për Kosovën, sidomos në fushën e njohjes së shtetit tonë nga ana e Vatikanit.

“Ne si shteti më i ri në Evropë, jemi shembulli më i mirë për bashkëjetesë në paqe dhe harmoni me komunitetet e tjera. Kombi shqiptar i takon tri besimeve të ndryshme, atij islam, katolik dhe ortodoks. Ne kemi marrëdhënie shumë të mira me Ipeshkvinë e Kosovës, dhe jemi duke dhënë kontribut të shtuar që të kemi raporte të mira dhe të jetojmë në paqe edhe me komunitetin ortodoks”, u shpreh Myftiu Tërnava.

Nga ana e tij, nunci Jean Marie, u shpreh se ndihet i nderuar që sot është për vizitë në Kryesinë e Bashkësisë Islame të Kosovës, duke shprehur faktin se kjo është ndër vizitat e para që bën ai pas marrjes së kësaj detyre.

“Ndihem shumë i nderuar që jam sot në vizitë te ju. Populli juaj ka një imazh të caktuar në botë, dhe ne duke punuar së bashku mund të ndërtojmë një shoqëri, i cila do të jetë e ndërtuar në respekt dhe në vlera të larta të moralit. Ne duhet të bëhemi të gjithë së bashku për t’i ndihmuar shoqërisë për të mirën e përgjithshme.”

Gjatë bashkëbisedimit, Myftiu Tërnava dhe nunci Jean Marie, diskutuan edhe për një sërë problemesh me të cilat ballafaqohet populli i Kosovës, e sidomos rinia.

Në fund, nunci apostolik solli për Myftiun Tërnava dhe për besimtarët mysliman urimin për festën e Bajramit nga Papa Françesku në gjuhën arabe dhe atë angleze, si dhe shkëmbyen dhurata mes vete.

Shfaq më shumë në Lajme

Shfleto

Myftiu i Kosovës shtroi iftari për nder të Fitores së Bedrit

Prishtinë, më 27 mars 2024 Kryetari i Bashkësisë Islame të Kosovës, Myftiu Naim ef. Tërnav…