Ballina Lajme Myftiu Tërnava priti në takim kryetarin e Gjilanit Lutfi Haziri

Myftiu Tërnava priti në takim kryetarin e Gjilanit Lutfi Haziri

Prishtinë, 15 prill 2019
Kryetari i Bashkësisë Islame të Republikës së Kosovës, Myftiu Naim Tërnava priti në takim kryetarin e komunës së Gjilanit z.Lutfi Haziri dhe kryetarin e Këshillit të Bashkësisë Islame të Gjilanit, Naim ef. Aliu.

Pasi iu dëshiroi mirëseardhje mysafirëve, Myftiu Tërnava e njohu kryetarin Haziri me punën dhe angazhimin e BIRK-ut që po bën në të mirë të qytetarëve dhe me kontributin që po jep ky institucion që Kosova të jetë sa më e qetë dhe e sigurt, si dhe falënderoi kryetarin për punën dhe për bashkëpunimin konstruktiv që ka me KBI të Gjilanit.

Nga ana e tij, kryetari i Gjilanit z. Lutfi Haziri falënderoi Myftiun Tërnava për pritjen, duke çmuar dhe vlerësuar si shumë të mira marrëdhëniet që ka Komuna e Gjilanit me BIRK-un në shtyrjen përpara të proceseve zhvillimore të vendit si dhe çmoi lart kontributin dhe angazhimin e tij dhe të Kryesisë së BIRK-ut në të mirë të vendit, mirëqenien si dhe bashkëjetesën, harmonin ndërfetare që ka vendi ynë.

Shfaq më shumë në Lajme

Shfleto

Konferenca Ndërkombëtare për Paqe dhe Solidaritet në Paris

Prishtinë, 17 shtator 2019 Sot filloi punën Konferenca Ndërkombëtare për Paqe dhe Solidari…