Mualimja nga Prishtina Mihane Goga -ligjëroi në Medresenë e Podgoricës

Medreseja “Mehmed Fatih”në Podgoricë, me datën 04 Shkurt 2020, me rastin e Ditës Botërore të Mbulesës organizoi program për femra me temën “Edhe me mbulesë drejt qëllimit” . Programi filloi si zakonisht me pjesë nga Kurani i Madhëruar, duke vazhduar me poezi, monolog, dramë dhe Ilahi të përgatitura nga nxënëset e medresesë. Të ftuar të veçantë kishim mualimen nga Prishtina znj. Mihana Goga, e cila mbajti ligjëratën në po këtë temë. Ajo, fillimisht falënderoi drejtorin e Medresesë, Fuad Ćekić si dhe përgjegjësen e Medresesë së vajzave, znj. Brunilda Kajoshaj për ftesën. Duke folur për mbulesën mualimja Mihana Goga, përveç tjerash tha: “ Të jesh e mbuluar nuk do të thotë mbyllje brenda katër mureve, mbulim i mendjes, por do të thotë shoqërim me mbarë gjithësinë. Nuk do të thotë mos emancipim por do të thotë ti qëndrosh pranë shoqërisë në të mirë dhe në vështirësi. Të jesh e dobishme dhe e pa rrezikshme për ta. Të jesh e mbuluar nuk do të thotë analfabetizëm, por do të thotë njohje e Krijuesit dhe diturive universale. Do të thotë zhvillim dhe përparim i mendjes dhe jo zhveshje e trupit.” Ligjërata e saj u përkthye në gjuhën boshnjake nga profesoresha e Medresesë Fahreta Giliq.

Shfaq më shumë në Lajme

Shfleto

BIK pranoi një donacion me pajisje mbrojtëse nga Komiteti Ndërkombëtar i Kryqit të Kuq

Prishtinë, 03 korrik 2020 Kryesia e Bashkësisë Islame të Kosovës ka pranuar sot një donaci…