Mbahet takimi i shtatë për stigmën ndaj të mbijetuarve të dhunës seksuale në Kosovë

Qendra Kosovare për Rehabilitimin e të Mbijetuare të Torturës (QKRMT), në bashkëpunim me Bashkësinë Islame të Kosovës ka mbajtur edhe takimin e shtatë me radhë për stigmën ndaj të mbijetuarve të dhunës seksuale në Kosovë.

Ky takim është mbajtur këtë herë me studentët e Fakultetit të Studimeve Islame dhe si qëllim kishte njoftimin e pjesëmarrësve me gjendjen aktuale të të mbijetuarve të dhunës seksuale si dhe për ndikimin e stigmës në njohjen e statusit të të mbijetuarve të dhunës seksuale gjatë luftës në Kosovë.

Përfaqësuesja e Qendrës Kosovare për Rehabilitimin e të Mbijetuarve të Torturës, njëkohësisht ligjëruese në këto takime, znj. Selvi Izeti, psikologe, tha se përfaqësuesit e institucioneve fetare luajnë një rol të rëndësishëm në adresimin dhe tejkalimin e stigmës, si dhe ndërgjegjësimin e popullatës rreth kësaj çështje. Në këtë takim ligjëruan edhe dy teologe rreth aspektit fetar të stigmës për të mbijetuarit e dhunës seksuale.

Që prej shtatorit të vitit 2019, QKRMT në bashkëpunim me BIK-un ka mbajtur gjithsej gjashtë takime me imamë të komunave të ndryshme me regjione, duke filluar nga Prizreni, Peja, Mitrovica, Gjilani, Lipjani dhe Podujeva. Në këto takime përveç ligjërueses nga QKRMT-ja, në aspektin fetar kanë ligjëruar hoxhallarë dhe teologe të ndryshëm, të cilët më herët janë trajnuar për të ligjëruar rreth kësaj teme. Koordinator i këtij projekti nga Bashkësia Islame e Kosovës ishte Xheladin ef. Fazliu. Në këto takime kanë marrë pjesë mbi 150 hoxhallarë dhe teologe.

Shfaq më shumë në Lajme

Shfleto

BIK pranoi një donacion me pajisje mbrojtëse nga Komiteti Ndërkombëtar i Kryqit të Kuq

Prishtinë, 03 korrik 2020 Kryesia e Bashkësisë Islame të Kosovës ka pranuar sot një donaci…