Ballina Lajme Kuvendi i Bashkësisë Islame të Kosovës mbajti mbledhjen e rregullt

Kuvendi i Bashkësisë Islame të Kosovës mbajti mbledhjen e rregullt

Prishtinë, 30 mars 2019

Kuvendi i Bashkësisë Islame të Kosovës, mbajti sot mbledhjen e rregullt, në të cilën përpos anëtarëve të Kuvendit mori pjesë edhe kryetari i Bashkësisë Islame të Kosovës, Myftiu Naim ef. Tërnava.

Mbledhjen e hapi kryetari i Kuvendit dr. Ajni Sinani, i cili fillimisht iu shprehu mirëseardhje anëtarëve të Kuvendit, si dhe i falënderoi ata për punën dhe angazhimin e tyre. Ai gjithashtu përkujtoi ish drejtorin për Financa në Kryesi të BIRK-ut, Kasim ef. Gërgurin, për të cilin kërkoi nga të gjithë anëtarët që t’ia këndojnë nga një Fatiha.

Më pas, një fjalë rasti para të pranishmëve e mbajti kryetari i BIRK-ut, Myftiu Naim ef. Tërnava, i cili që në fillim përkujtoi dy shokët dhe bashkëpunëtorët për vite me radhë, të cilët para pak ditësh u ndanë nga kjo botë, profesor Qemajl Morinën, i cili kohë të gjatë punoi në Kryesinë e BIRK-ut, si dhe në Fakultetin e Studimeve Islame, si dhe ish drejtorin për Financa në këtë Kryesi, Kasim ef. Gërguri. “Para vetes kemi materialin që e ka përgatitur vetë tashmë i ndjeri Kasim ef. Gërguri, për të cilin lutemi që Zoti ta shpërblejë për mundin dhe kontributin e tij në të mirë të Islamin dhe myslimanëve. Vdekja e tyre ka lënë një zbrazëti të madhe në institucionin e Bashkësisë Islame të Kosovës”, tha ndër të tjerash Myftiu Tërnava. Ai kërkoi nga anëtarët e Kuvendit të që japin kontributin e tyre për avancimin dhe shtyrjen e proceseve përpara. Në rend të ditës, anëtarët e Kuvendit diskutuan shqyrtimin dhe miratimin e Raportit të Kryesisë së BIRK-ut për periudhën janar-dhjetor 2018, raportin e Komisionit Financiar të Kuvendit të BIRK-ut, si dhe shqyrtimin dhe miratimin e Pasqyrës për të hyrat dhe të dalat e Kryesisë (llogaritë përfundimtare) për vitin 2018, si dhe pika të tjera të ndryshme.

Shfaq më shumë në Lajme

Shfleto

Haxhitë kosovarë festojnë Kurban Bajramin në Meke

11 gusht 2019 Besimtarët myslimanë anembanë botës sot festuan festën e Kurban Bajramit. Ed…