Ballina Lajme Në shtetin e Kuvajtit u mbajt edicioni i gjashtë i garave ndërkombëtare të Kuranit

Në shtetin e Kuvajtit u mbajt edicioni i gjashtë i garave ndërkombëtare të Kuranit

01 prill 2015
Në edicionin e 6 të garave ndërkombëtare të Kuranit në shtetin e Kuvajtit, i cili u hap me datën 1 prill dhe përfundoi më 8 prill 2015, konkursi u zhvillua në mes të 100 pjesëmarrësve nga më shumë se 50 vende të ndryshme të botës.
E gjithë ceremonia e organizuar nga Ministria e Vakëfeve dhe Çështjeve Islame të Kuvajtit, u mbajt në hotelin glamuroz – Crown Plaza në qytetin e Kuvajtit.

Programin e ndoqi personalisht kryeministri i shtetit të Kuvajtit – Sheikh Xhabir El-Mubarek El-Hamad El-Sabah, shoqëruar nga Jakub Abdul Muhsin El-Thani, ministër i Drejtësisë, Vakëfeve dhe Çështjeve islame dhe Adil El-Felah, zëvendës ministër dhe kreu i Komitetit të Lartë të kësaj gare, të cilët u paraqitën edhe me fjalime përshëndetëse në ceremoni.
Një film dokumentar mbi garat e mëparshme Kur’anore ndërkombëtare dhe arritjet më të rëndësishme të garave të viteve të shkuara u shfaq para audiencës.
Kategoritë në të cilat konkurrentët obligoheshin të zgjedhin një prej tyre, për të fituar të drejtën e pjesmarrjes në garë, ishin:
1.    Memorizimi i tërë Kur’anit, me dhjetë “kiraete”
2.    Memorizimi i tërë Kur’anit, me një “kiraet”
3.    Lexim (recitim) i Kuranit me texhvid dhe performancë të bukur.
Në këtë edicion, Republika e Kosovës, respektivisht Kryesia e Bashkësisë Islame të Kosovës, u përfaqësua nga dy nxënës (hafizë) të Medresesë së Mesme “Alaudin” në Prishtinë: Besir Musliu dhe Armend Beqiri, të cilët morrën lëvdata nga juria për bukur leximin që paraqitën.
Fituesit e konkursit u shpallën më datën 8 prill.
Prezantimi i stileve të ndryshme të recitimit të Kur’anit dhe përzgjedhja e recituesve të Kur’anit të rangut të lartë nga bota myslimane, ishin objektivat kryesore të konkurrencës.

Shfaq më shumë në Lajme

Shfleto

7500 kg miell ndihmohen njerëzit në nevojë në Han të Elezit nga Bereqeti

Prishtinë,2 prill 2020Shoqata humanitare ‘Bereqeti” organ i Kryesisë së Bashkësisë Islame …