Prishtinë, 1 nëntor 2016
Myftiu i Republikës së Kosovës Naim ef. Tërnava priti në një takim studiuesin e njohur të Botën Islame, dr. Selman El Aude dhe profesorin e hadithit dr. Abdulvehab Turejri nga Arabia Saudite.
Myftiu Tërnava pasi u uroi mirëseardhjen, i njohu mysafirët me strukturën dhe funksionimin e Bashkësisë Islame të Kosovës dhe sfidat me të cilat ballafaqohet ky institucion.
Myftiu Tërnava nga ana e tij vlerësoi se populli i Kosovës vazhdimisht ka shprehur mirënjohjen për angazhimin dhe kontributin e Arabisë Saudite si qeveri dhe popull që i ka dhënë Kosovës para, gjatë dhe pas luftës e veçanërisht në fazën emergjente si dhe kontributin e pakursyer në lobimin për njohjen dhe integrimin e Kosovës në mekanizmat ndërkombëtarë.
Dijetari Selman el Avde falënderoi Myftiun Tërnava dhe Bashkësinë e Islame të Kosovës për pritjen dhe çmoi kontributin e dhënë për organizimin dhe drejtimin e jetës fetare në Kosovë dhe në rolin që luan Bashkësia Islame në kultivimin paqes, tolerancës e bashkëjetesës mes komuniteteve që jetojnë në Kosovë.
Më pas dijetari Al Avde vizitoi dekanin e Fakultetit të Studimeve Islame dr. Fahrush Rexhepi kurse para studentëve të Fakultetit të Studimeve Islame në Prishtinë mbajti një ligjëratë përmbajtjesore.
Në agjendë e radhës ishte vizita në Medresenë Alauddin ku u pritën nga drejtori Jakup ef.Çunaku. {gallery}selaude{/gallery}
