Ballina Lajme Dua hatmeje në Sibofc të Podujevës

Dua hatmeje në Sibofc të Podujevës

Prishtinë, 27 korrik 2017

Në xhaminë e fshatit Sibofc të Podujevës në prezencë të autoriteteve të Kryesisë së Bashkësisë Islame të Republikës së Kosovës, drejtori i Medresesë së Mesme “Alauddin” në Prishtinë Jakup ef. Çunaku,profesor, përfaqësues të KBI të Podujevës e shumë xhematlinjëve u zhvillua duaja e hatmes . Këtë eveniment në emër të Kryesisë së BIRK-së e përshëndeti kryeimami prof. Sabri ef. Bajgora i cili solli selamet e myftiut të Republikës së Kosovës mr. Naim ef. Tërnava, si dhe përgëzoi nxënësit për suksesin e tyre dhe citoi ajetin kuranor: “Vërtet ky Kuran udhëzon në atë që është më e mira…” duke shtuar se, në një libër si Kurani nuk gjejmë vetëm norma për ibadetet tona, mirëpo këshilla dhe mësime për çdo sferë të jetës.
Ai falënderoi edhe mësimdhënësen për angazhimin e saj, duke cituar hadithin: “Më i miri prej jush është ai që e mëson Kuranin dhe atë ia mëson të tjerëve.”
Imami i kësaj xhamie Beqir ef. Nuredini, përshëndeti të gjithë të pranishmit dhe falënderoi edhe organizatorët e këtij programi, njëherit edhe mësimdhënësit e këtyre nxënësve, Anita Gërgurin dhe Liridon Zhegrovën për punën dhe angazhimin e tyre të palodhshëm. Ai më pas shpalosi punën dhe aktivitetet në xhami duke thënë se gjinia femërore po dominon sikur në vetë programin por edhe në aktivitet tjera, tha se vërtet femrat përbëjnë gjysmën e popullit të cilat edukojnë gjysmën tjetër, kjo është pse islami e ngre lart edukimin dhe arsimimin e femrës, ashtu siç ka bërë shekuj më parë dhe vazhdon tutje.

Më pas u dha një program ku kënduan tekbire, recitale, ilahi për të vazhduar pastaj interpretimin e disa ajeteve kuranore nxënësi Ismail Mahmuti dhe disa sure të fundit të Kuranit. Nxënësit që bënë hatme janë: Ismail Mahmuti, Pesenta Zeneli, Rinesë Ademi, Njomza Mahmuti, Almira Elezi, Besiana Zhitia, Elvira Elezi, Flora Ramadani, Devleta Zhitia, Donjeta Sejdiu dhe Anita Sejdiu. Në fund u ndanë edhe disa mirënjohje.

Shfaq më shumë artikuj të ngjashëm
Shfaq më shumë në Lajme

Shfleto

Myftiu Tërnava priti në takim kryetarin e Dibrës, Ruzhdi Latën

Prishtinë,14 nëntor 2017 Myftiu i Republikës së Kosovës, mr. Naim ef. Tërnava, priti në ta…